حب جديد

xpredo script

العودة   نيو حب > المنتديات العامة > الحوار المفتوح
التسجيل

لمن لا يعرف مصر..

الحوار المفتوح

31-12-2009, 01:56 AM
hazem elbasha
 
06 لمن لا يعرف مصر..

آه و ألف آه من تلك الجملة...
يبقى أنت أكيد...أكيد في مصر

لو لقيت من كل بيت خارج مدرس خصوصى ..
يبقى أنت أكيد...أكيد في مصر

لو لقيت فى بلد سنه سادسة ابتدائى و سنه خامسة ابتدائى!...
يبقى أنت أكيد...أكيد في مصر

لو لقيت فى كل بيت واحد أو أتنين ماتوا من السرطان ...
يبقى أنت أكيد...أكيد في مصر

لو رحت التأمين الصحى و إدوك حديد و زرنيخ ...
يبقى أنت أكيد...أكيد في مصر

لو لقيت فى بلد البحث العلمى فيها تايه و لسه بيحاول يجد العلاقة بينه وبين المجتمع ...
يبقى أنت أكيد...أكيد في مصر

لو لقيت فى بلد ربع سكانها ساكننين فى عاصمتها ..
يبقى أنت أكيد...أكيد في مصر

لو لقيت فى بلد تعبيرات مثل "السحابة السودة" و "الشفافية" ...
يبقى أنت أكيد...أكيد في مصر

لو سمعت جملة "اللى نعرفه أحسن من اللى منعرفوش" ..
يبقى أنت أكيد...أكيد في مصر

لو رحت "دار الفؤاد" و جاتلك الفاتورة و نعشك فى طريقه "لدار الخلد" ...
يبقى أنت أكيد...أكيد في مصر

لو رحت تطلع مخالفات عربيتك و لاقتها غير صحيحة لأن بالفعل معندكش عربية ...
يبقى أنت أكيد...أكيد في مصر

لو لقيت عجوز و عجوزة ماشيين و معاهم سلم خشب لزوم طلوع الرصيف ...
يبقى أنت أكيد...أكيد في مصر

لو ركبت مترو الأنفاق و ملقتشى هوا و لا تكييف ...
يبقى أنت أكيد...أكيد في مصر

لو مزنوق و ملقتشى مراحيض عامة ...
يبقى أنت أكيد...أكيد في مصر

لو مرة لقيت رسوم الزبالة على فاتورة الكهربا و مرة تانية على فاتورة الغاز ...
يبقى أنت أكيد...أكيد في مصر

لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ...
يبقى أنت أكيد...أكيد في مصر

لو فتحت التليفزيون و شفت ظرف "البيت بيتك"...
يبقى أنت أكيد...أكيد في مصر

لو سألت واحد أو واحدة مين الريس فى كل الألفية الثالثة؟! و رد و قال بدون تفكير "مبارك" ...
يبقى أنت أكيد...أكيد في مصر

لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام "التوصيل عملية مستمرة" ...
يبقى أنت أكيد...أكيد في مصر

لو قرأت الصحف فى 2005 و فى 2050 و لقيت نفس الكلام "الأصلاح السياسى و الإجتماعى عملية مستمرة" ...
يبقى أنت أكيد...أكيد في مصر

لو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ...
يبقى أنت أكيد...أكيد في مصر

لو رحت الباجور منوفية و سألت مين رئيس الجمهورية و ردوا وقالوا كمال الشاذلى ...
يبقى أنت أكيد...أكيد في مصر

لو رحت تنتخب و معاك بطاقة إنتخابية و ردوا و قالوا إنك متوفى ...
يبقى أنت أكيد...أكيد في مصر

لو سألت واحد أو واحدة ليه بالعربى هيه إسمها "مصر" و بالخواجاتى هيه إسمها "إيجبت"؟! و رد و قال معرفش! ...
يبقى أنت أكيد...أكيد في مصر

مع الإحترام والتقدير لكل اهلنا وأخواننا وأحبائنا
خير أجناد الأرض
أهالي مصر الأفاضل

















__________________________________________________

اما الأنسان المصرى المصرى فعلا
(مش المصرى الأونر معانا)
ههههههههههههههههههههههه

المصري هو ذلك الشاب اللى اتخرج من 3 سنين ومازال قاعد فى البيت ولو حد عرض عليه انه يعمل اي حاجة تضر بلده يقولك لا كله الا مصر

المصري هو ذلك الرجل الكبيير اللى واقف قدام طابور كبيير سواء فى الفرن او الجمعية او البوسطه او اي حاجة فى بلادنا وهو بيقول يامسهل الحال يارب ها نت

المصري هو اللى تلاقيه بيحاول يريح السياح جدا وياسلام لو سأله على حاجة تلاقيه واقف وقفه ابن البلد بجد

المصري اللى ممكن يكون مخنوق من مصر جدا ولما يدخل اي شات يلاقى حد بيشتم على مصر يقعد يدافع عنها بكل ما يملكة من قوة

المصري هو اللى ممكن يعيط من مسلسل درامي

المصري هو اللى بيساعد اي حد فى اي وقت وهو الشعب الوحيد اللى بيقف جنبك وقت متحتاج

المصري هو اللى بيقف قدام المضروب فى حادثة حتى ولو حادثة عجلة بتلاقى اللى بيجري يجيب ميه بسكر او كرسي او كوبية ليمون او حتى اللى يطبطب عليك ويقولك بضحكة حلوة تعيش وتاخد غيرها

المصري هو اللى لما تتسرق يجمعوا من بعض ويلمولك عشان تعرف تروح او لما تتزنق او تمرض تلاقيه واقف جنبك

المصري .. اللى بيقول ده واجب ولازم نعمل كده

الشعب المصري .. جميل ديما تلاقى ضحكته فى عز شدته وطيب لدرجة ان كل الناس بتقول على طيبته هبل ومازال يتفوق فى ضرب اجمل معانى الطيبة


اخيراَ ... لى الفخر ان اكون واحد من هذا الشعب

ايه رأيكم بقى فى الشعب المصرى



لمن لا يعرف مصر..


لمن لا يعرف مصر..



لمن لا يعرف مصر..







[IMG]http://www.**************/arabic/imageGenerator.aspx?path=trika-Thanking_m.jpg&width=244&height=277[/IMG]



__________________________________________________

وفى اخر الموضوع بعد عرض هذة الصور المصرية 100% احب اقولك لكم ان مصر مش كلها سلبيات ولكن هذا الموضوع كان شامل سلبيات مصر مش كلها طبعا ولكن القليل جدا وفى النهاية
احب اقول ربنا معانا ويصلح حال بلادنا وحال بلاد المسلمين أجمعين

تحياااتى


من مواضيع : hazem elbasha أهم ثلاثة أشياء فى الدنيا
لمن لا يعرف مصر..
عبارات تستحق الصمت
طفل يعرب كلمة بغداد اعرابا تدمع لة العين...
هكذا نجح الطغاة
02-01-2010, 04:22 AM
almard2000
 
والله الشعب المصرى ده شعب تحفة
مشكووووووووور
من مواضيع : almard2000
02-01-2010, 02:17 PM
HONDA ACCORD 99
 
شكراً للموضوع أخي الكريم ونحن نعرف ذلك ولكن السبب في كل ما جرى كان الإعلام الدنيء الذي عمِل تحت أجندة سياسية من كبارالساسة في البلد لتحقيق مكاسب سياسية معروفة مستقبلاً وسيعرفها أو عرفها الشعب مؤخراً ..
تحياتي لك ..
من مواضيع : HONDA ACCORD 99 أصعب اللغات التي يمكن تعلمها
إذا كان لديك جاراً سيئاً .. فماذا تفعل ؟
رابطة محبي اللغة العربية
أحذروا من هولندا
موضوع لن يقرأه أحد
02-01-2010, 04:05 PM
hazem elbasha
 
اقتباس:
المشاركة الأصلية كتبت بواسطة almard2000
والله الشعب المصرى ده شعب تحفة
مشكووووووووور
شكرا مارد على مرورك التحفة
ههههههههههه
تحيااااتى
من مواضيع : hazem elbasha أهم ثلاثة أشياء فى الدنيا
أصعب لحظات حياتك
سر السعادة .....
من أي القلوب قلبك ؟
لمن لا يعرف مصر..
02-01-2010, 04:10 PM
hazem elbasha
 
اقتباس:
المشاركة الأصلية كتبت بواسطة HONDA ACCORD 99
شكراً للموضوع أخي الكريم ونحن نعرف ذلك ولكن السبب في كل ما جرى كان الإعلام الدنيء الذي عمِل تحت أجندة سياسية من كبارالساسة في البلد لتحقيق مكاسب سياسية معروفة مستقبلاً وسيعرفها أو عرفها الشعب مؤخراً ..


تحياتي لك ..



شكرا لك أخى الفاضل على مرورك العطر
وأعلم تماما أن كل مصرى يعرف ما يجرى على أرضه
ولكن كان هذا توضيحا منى لمن قال أين أنتم يا أبناء المذكورة فى القرآن
فأردت أن أوضح له من هى مصر التى لا يعرفها قلبا وقالبا
تحياااتى لك
ودمت فى حفظ الله وأمنه
من مواضيع : hazem elbasha بيان هام جداً ...
أصعب لحظات حياتك
هل رأيت هذا المشهد من قبل...؟؟؟
حقيقة يجب علينا معرفتها جميعاً ...
لمن لا يعرف مصر..
 

الكلمات الدلالية (Tags)
ممن, ما, مصر, يعرف

أدوات الموضوع


لمن لا يعرف مصر..

الساعة الآن 06:04 PM.