حب جديد

xpredo script

العودة   نيو حب > المنتديات العامة > الحوار المفتوح > المنتدى الادبى > منتدى القصة
التسجيل

رقم تليفون بابا...................... ..010.....

منتدى القصة

10-02-2010, 08:59 PM
سميرعبدالتواب
 
كاتب رقم تليفون بابا...................... ..010.....

حكايه حب

هى: بعباية طويلة وطرحة ملونة جميلة ووجه برىء مبتسم دائما..و.ماسكة كمية كتب مهوله


فاتت ........كتبها وقعت ...حاول يلمهلها ...(انتو عارفين الشباب المصري خدوم اد ايه)


هى:متشكره اوى (ووشها احمرمن كتر الكسفة يا عينى)
لاول مره يرفع عينه ويشوفها
هو:لا عادي ولا يهمك(فى اسبهلال)

تمشى ونظراته مش قادره تفارقها

هو:مش ممكن البراءة دي (فى سره)
يعود لاصدقاءه

هو:ياااااه ..ايه ده؟ قصدي مين دي ؟انا اول مره اشوف البنت دي...هى سنه كام؟

صحابه:دي معانا يابرنس .بس سيبك خنيقة مووووت..اصلها من النوع الدحيح ..اللى بيحضر ووجع الدماغ ده ...يا شيخ دي بت معقده...انت قولتلى سيبت جيجى ليه؟يامان خالد كان بيوصلها بعربيته عشان كنا بليل طالعين ومفيش مواصلات..متبقاش خنيق يا مان

وصاحبه قاعد يتكلم ويتكلم وصاحبنا ولا هو هنا

لاول مره فى حياته يحس بحاجه .احساس بالامان ...العودة للوطن...حضن امى...احساس حلو اوى....

هوفى سره)هى رايحه فين؟نظراته بتراقبها؟.....المسجد!!!!

احساس دخيل لاول مرة يشعر بيه...انا عمري ما دخلت مسجد الكليه ولا اعرف شكله...ده انا بصلى الجمعة بزن امى

مستنيها(فاضى بقى )

هو:لو سمحتى ممكن كلمة

هى:فى حاجه حضرتك؟

هو:بس كنت عاوز اعرف اسمك

تمشى (فى سرها ده عبيط ده ولا ايه؟)

اتكررت محاولات اخينا مليون مرةوطبعا دون جدوي

الموضوع ف الاول كان تحدي واثبات لنفسه ان الكبير كبير وعاوز يكلمها باي طريقة.ايوة اشمعنه دي ..دي كل البنات هتموت لو اشارة منو

لكن كل المحاولات فشلت

بس هو كان مش موضوع تحدي كان حب ...ايوة حب ..بس حب جميل اوى ..نضيف اوى...برىء اوى

...قال خلاص مبدهاش انا هدخلها من طريق تانى!!!الجواز!!

ياسلالالالالالالالالام(ده انا اللى بقول)

هو:لو سمحتى انا معجب بيكى...وعاوز اتقدم ليكى

هى:تتقدم لى !!!انا اسفه مينفعش

هو:انتى مرتبطة(واحساس بصدمة رهيبة هيسمعها)

هى:لا بس انا عاوزه ارتبط بشخص ملتزم.....ومشت

وكانت الكلمة دي اكبر صدمه سمعها فى حياته

حس احساس رهيب ولاول مرة يسمع الكلمه دي ويفكر فيها ....

بيبص للبسه!

لشكله!

لعلبة السجايرو(واخواتهاا)اللى فى ايده!

لموبايله اللى مليان تليفونات بنات ومسجات بشعه!و........وو..انا مين؟انا ايه؟.

ويمر شريط حياته لاول مره امام عينيه ....يااااااااه انا فاشل اوى كده...ياه انا بشع كده

انا استاهل انها ترفضنى.!.. يبص لحياته لاول مرةو يفهم يعنى ايه كلمة ملتزم...

الله اكبر ...الله اكبر.....(اذان العصر )لاول مرة ياخد باله من الاذان

شافها داخله مسجد البنات....

بلا شعور لقى نفسه فى المسجد.....بس انا مش متوضى !...راح واتوضى

وعيط ...ايوة قعد يعيط وهو بيتوضى ويقول مستحيل ربنا يسامحنى ده ولا كل الميه تنضفنى انا والذنوب اللى عملتها

سمع هاتف..وأيه كان بيقراها وهو صغير(قل يا عبادي الذين اسرفوا على انفسهم لا تقنطوا من رحمة الله.ان الله يغفر الذنوب جميعا.انه هو الغفور الرحيم)زاد عياطه وصوته بيقول يااااااااااااااااارب يااااااااااااااارب

صللى وعيط فى خشوعه وركوعه وسجوده...بعد ما خلص مخرجش ...قعد يناجى ربنا شويه...وخرج

عارفين احساسه كان عامل ازاي؟ماحدش يقدر يوصفه؟رجع تانى بنى ادم ربانى رجع تانى لقلبه رجع تانى ضميره رجع لكل حاجه حلوة كانت ضايعه منو فى ايام الضياع !!!

صحابه:............ايه يابرنس كنت فين قالبين الدنيا عليك موبيلك مقفول ..ايه كنت فين؟

مسمعهمش ..مشى فى طريقه ..مش شايف حد ادامه ..مش شايف غير طريق نور ركب عربيته وصل بيته باس ايد امه

دخل اوضته قطع الصور ...نضف الكومبيوتر...رمى شريحته...نضف حياته ...مسك قلم وورقة وقال

انا بنى ادم جديد


انا بقيت نضيف


غاب عن جامعته شهر.... بيعيد نظام حياته يصلح علاقاته بيحب اهله ولاول مره بيتكلم بجد وبحب مع اخواته


ياااااااااه انا اخواتى بيحبونى اوى كده .....وامه بالدعاوى ماشيه وراه...لفلها وقالها بحبك ياامى وباس ايدها



نزل راح الجامعه .....اتصدموا من شكلوا...صلح حاجات كتيييييييير معاهم...بعد عنهم .....



شاااافها!!!



..اتغير لونها وبريق عنيها اول ماشافته..............زى ما يكون........



هو طبعا مش مصدق نفسه..ولا هى مصدقه شكله ولاعلامة الصلاه والنور اللى بقت فى وشه!!



قالها :لسه مينفعش؟






قالتله:رقم تليفون بابا......................
..010.....




رقم تليفون بابا...................... ..010.....رقم تليفون بابا...................... ..010.....
من مواضيع : سميرعبدالتواب رقم تليفون بابا...................... ..010.....
رسالة حب تحت مخدة نومها..!!
10-02-2010, 09:13 PM
sarsora
 
الله
قصة روعة ومؤثرة جدا
ربنا يهدى الجميع
تسلم ايدك
اجمل تحياتى..
من مواضيع : sarsora قصة فتاة قتلها الحب من على الانترنت
11-02-2010, 12:17 AM
عاشقه البحار
 
فعلا الهدايه من عند الله
ويارب كل الشباب ولبنات
يمشو فى الطريق المستقيم
ويعرفو دنهم كويس
يارب
من مواضيع : عاشقه البحار قصص ماساوية لعقوق الوالدين
بدون عنوان
قصة مضحكه مووووووووووووووووووووت
فتاه كانت ترقص فى حفل زواج وهى شبه عاريه وماتت على زالك
قصة حب حزينة جدًا ( حقيقة )
11-02-2010, 02:36 AM
سميرعبدالتواب
 
اقتباس:
المشاركة الأصلية كتبت بواسطة sarsora
الله

قصة روعة ومؤثرة جدا
ربنا يهدى الجميع
تسلم ايدك
اجمل تحياتى..




من مواضيع : سميرعبدالتواب رقم تليفون بابا...................... ..010.....
رسالة حب تحت مخدة نومها..!!
11-02-2010, 02:36 AM
سميرعبدالتواب
 
اقتباس:
المشاركة الأصلية كتبت بواسطة عاشقه البحار
فعلا الهدايه من عند الله

ويارب كل الشباب ولبنات
يمشو فى الطريق المستقيم
ويعرفو دنهم كويس

يارب



من مواضيع : سميرعبدالتواب رسالة حب تحت مخدة نومها..!!
رقم تليفون بابا...................... ..010.....
 

الكلمات الدلالية (Tags)
010, تليفون, بابا, رقم

أدوات الموضوع


المواضيع المتشابهه
المعاهد العالية الخاصة
الان اصبح كمبيوترك تليفون ولديه رقم واتصل باصدقائك
عايز تتصل باي تليفون ببلاش و بالنسبة للخاطبين و عايز يرغي مع خاطبتة ادخل و شوف
خطط لإنتاج تليفون محمول من الجيل الثالث رخيص الثمن
هل لديك تليفون بكاميرا ؟ الأن يمكنك أستعماله كويب كام بهذا البرنامج !!

رقم تليفون بابا...................... ..010.....

الساعة الآن 02:54 PM.