حب جديد

xpredo script

العودة   نيو حب > المنتديات العامة > الحوار المفتوح > المنتدى الادبى > منقولات أدبية
التسجيل

رباعيات صلاح جاهين كاملة (على حلقات )

منقولات أدبية

11-03-2010, 04:47 PM
عاشق الله
 
كاتب رباعيات صلاح جاهين كاملة (على حلقات )

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت ولا الحياه ؟

عجبي !!!




ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!




ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي أنا سبتهم

و الا علي الفرص اللي ما سبتهمش

عجبي !!




و الكون ده كيف موجود من غير حدود

و فيه عقارب ليه و تعابين ودود ؟؟

عالم مجرب فات و قال سلامات

ده ياما فيه سؤالات من غير ردود

عجبي !!!




أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!




يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!
من مواضيع : عاشق الله صرخه قلم .. في لحظة ألم
أعيش داخل قبرى
قصيدة الشاعر فاروق جويدة الجديدة - رائعة بجد
رباعيات صلاح جاهين كاملة (على حلقات )
يوميتي
11-03-2010, 05:06 PM
sarsora
 
و الكون ده كيف موجود من غير حدود

و فيه عقارب ليه و تعابين ودود ؟؟

عالم مجرب فات و قال سلامات

ده ياما فيه سؤالات من غير ردود

عجبي !!!


الله عليك
اختيار رائع
لكلام رائع وجميل
وشاعر رائع
تسلم ايدك
اجمل تحية لك ...

من مواضيع : sarsora قصيدة على إسم مصر
"الحلم عذَّبهم" قصيدة لماهر مهران
قصيدة .. مصر تتحدث عن نفسها .. للشاعر حافظ ابراهيم
.. قصيدة "..الى تلميذة .." لنزار قبانى ..
.. شعر عن مصر ..
11-03-2010, 05:12 PM
عاشق الله
 
اقتباس:
المشاركة الأصلية كتبت بواسطة sarsora
و الكون ده كيف موجود من غير حدود


و فيه عقارب ليه و تعابين ودود ؟؟

عالم مجرب فات و قال سلامات

ده ياما فيه سؤالات من غير ردود

عجبي !!!


الله عليك
اختيار رائع
لكلام رائع وجميل
وشاعر رائع
تسلم ايدك
اجمل تحية لك ...
من مواضيع : عاشق الله بنختار ليه العذاب
آه و ألف آه
أنا السببْ
صرخه قلم .. في لحظة ألم
حبيبى لا تتركنى
12-03-2010, 01:27 PM
عاشق الله
 
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!

إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!

إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!

سنوات وفايته عليا فوج بعد فوج
واحدة خدتني ابن والتانية زوج
والتالتة أب خدتني .. والرابعة ايه
ايه يعمل اللي بيحدفه موج لموج

ووعجبي


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!

علي بعد مليون ميل من أرضنا
من الفراغ الكوني بصيت أنا
لا شفت فرق بين جبال و بحور
و لا شفت فرق ما بين عذاب أو هنا
عجبي !!

إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!

نظرت فوق للنجوم و انا ساير
رجليا عترت في الحفر و الحجاير
بقيت أقول و انا ع التراب: يا سلام
مش بس عبره أخذت لكن عباير
عجبي !!!




- يا نجم .. نورك ليه كده بيرتجف ؟
هو انت قنديل زيت ؟ أو تختلف
- أنا نجم عالي .. بس عالي قوي
و كل ما انظر تحت اخاف انحدف
عجبي !!!!


وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!


الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!

أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!


نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
عجبي !!!!

كروان جريح مضروب شعاع م القمر
سقط من السموات فؤاده انكســـــــــر
جريت عليه قطه علشان تبلعـــــــــــه
أتاريه خيال شعراء و مالهـــــوش أثر
عجبي !!!

ياللي نصحت الناس بشــــــــــــــرب النبيت
مع بنت حلوه .. وعود , وضحك , وحديت
مش كنت تنصحهم منين يكســــــــــــــــبوا
تمن ده كله ؟ ... و الا يمكن نســـــــــــيت
عجبي !!

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
عجبي !!



رقاصه خرسا و رقصه من غير نغــم
دنيا . . يا مين يصالحها قبل النـــــدم
ساعتين تهز بوجههـــــــــــــــا يعنـي
يترجرجوا نهديها يعني نعـــــــــــــــم
عجبي !!!

إخطفني ياللي تحبني ع الحصان
الدنيا قالت يوم في ماضي الزمان
إخطفني ياللي تحبني ع الـــــفرس
الدنيا قالت .. قام خطفها الشيطان
عجبي !!!!

من بين شقوق الشيش و شقشقت لك
مع شهقة العصافير و زقزقـــــــت لك
نهار جديد انا . . قوم نشوف نعــمليه
انا قلت يا ح تقتلني .. يا ح اقــــــــتلك
عجبي !!!

جالك أوان ووقفت موقف وجـــود
يا تجود بده يا قلبي يا بده تجــــود
ما حد يقدر يبقي علي كل شـــــــئ
مع إن – عجبي – كل شئ موجود
عجبي !!!
من مواضيع : عاشق الله أمي هل تسمعين ما يقولون عنك؟!
رباعيات صلاح جاهين كاملة (على حلقات )
اسكت يا قلبى
أتساءل دائما من أنا.
أعيش داخل قبرى
20-03-2010, 10:23 AM
عاشق الله
 
الحلقة الثالثة

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!



نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!




علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قَتلت ؟ ..... والا اتقتلت

عجبي !!




انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!




ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتى الخنازير و الكلاب شربوا منه

عجبي !!!!




يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة ؟؟ !!

عجبي !!!
من مواضيع : عاشق الله قلب في غربة
قصيدة الشاعر فاروق جويدة الجديدة - رائعة بجد
اسكت يا قلبى
أتساءل دائما من أنا.
يرونك ياقلمي منفرا ..!!
 

الكلمات الدلالية (Tags)
حلقات, جاهين, رباعيات, سلاح, على, كاملة

أدوات الموضوع


المواضيع المتشابهه
الان حلقات النمر المقنع كاملة للتحميل
حلقات داي الشجاع كاملة
حلقات سلام دانك كاملة من حلقة 1 الى 101 تفضلو التحميل
حلقات مازنجر كاملة تحميل مباشر وجودة عالية وروابط مفتوحة
بعض رباعيات صلاح جاهين

رباعيات صلاح جاهين كاملة (على حلقات )

الساعة الآن 12:37 PM.