العودة   منتديات حب جديد > منتدى الاسرة السعيدة > هوايات مختلفه
التسجيل

ديكورات من قشور البيض

هوايات مختلفه

05-04-2007, 11:30 PM
bob
 
Arrow ديكورات من قشور البيض

إيه رأيك لما نشوف مع بعض دلوقت مجموعة من الأفكار البسيطة لعمل ديكورات في غاية الجمال والروعة من قشور البيض اللي موجودة عندك في المطبخ...

وياريت تكوني حريصة جدا في استخدام القشور دي علشان تحصلي على النتيجة اللي أنت عايزاها…
نشوف مع بعض ...
شمعدان من قشور البيض
طبعا هتسألي نفسك وتقولي "وإيه لازمة إني أعمل شمعدان من قشور البيض ما أنا عندي شمعدان شكله حلو"... هقولك بصراحة إن ده ممكن تعمليه على سبيل التجديد خاصة وإن الشمعدان اللي مستخدم من قشور البيض بيكون تحفة فنية جميلة أكتر من الشكل التقليدي المعروف للشمعدان وعلى فكرة مكوناته بسيطة وسهلة جدا ومش هتكلفك أي حاجة نهائي...
كل اللي هتحتاجيه :

• شمع.
• مقص.
• قشر بيض.
• ألوان ميه أو مانيكير.
• زيوت عطرية على حسب ذوقك... بس خدي بالك إنك تحطي شوية صغيرين من الزيوت العطرية دي وما تكتريش علشان لو كترتي هتدي ريحة مش حلوة..
• فتيل.
الطريقة:
1. هاتِ البيضة واقسميها إلى جزءين مع مراعاة أن يكون هناك جزء كبير علشان تستخدميه في وضع أكبر كمية من الشمع بداخله...بعد كده هات القشر ونضفيه كويس من جوه باستخدام الميه وخدي بالك إنك تنضفيه بشويش علشان القشر ما يتكسرش.. وبعد كده سيبيه شوية لغاية ما ينشف.
2. بعد ما ينشف القشر هاتيه وارسمي عليه أي رسمة أنت عايزاها أو لونيه باستخدام ألوان الميه أو باستخدام المانيكير أو سيبيه أبيض زي ما هو...بعد كده هات كرتونة البيض اللي عندك وحطي فيها القشر ده وده علشان تقدري تصبي فيه الشمع..

3. سيحي الشمع عن طريق عمل حمام مية .. "هات حلة صغيرة وحطي فيها الشمع وحطي الحلة الصغيرة في حلة أكبر منها فيها ميه مغلية وسيبيها على النار لمدة 5 دقائق أو لغاية ما تلاقي الشمع بدأ فعلا إنه يسيح داخل الحلة بعد كده ضيفي إليه الزيت العطري اللي عندك...
4. هات الفتيل وقصيه بالطول اللي أنت شايفة إنه مناسب لطول قشر البيض وحطيه جوه قشر البيض..بعد كده صبي عليه شوية شمع وسيبيه لغاية ما ينشف وبعد كده املأي ثلاثة أرباع القشرة بالشمع.. أو أكثر من كده وده لأن الشمع بعد ما بيبرد حجمه بيقل...بس كده خلاص.
ميداليات من قشور البيض
إيه رأيك لما تستفيدي من قشر البيض كمان في عمل ميداليات تزيني بيها أوضة نومك...
كل اللي هتحتاجيه

• شماعة ملابس.
• خيط متين.
• شوية قشور بيض على شكل أنصاف.
• مانيكير أو ألوان مائية.
• برونز ذهبي أو فضي للتزيين.
• فرشاة .
• إبرة.
الطريقة :-

1- اعملي خرم صغير في أعلى أنصاف قشور البيض باستخدام الإبرة .
2- هات الخيط وقطعيه بأطوال مختلفة واعقدي في طرف كل منها عقدة، ومرّري الطرف الآخر في ثقب قشر البيض بحيث تختفي العقدة في داخلها.
3- ادهني القشور بألوان مختلفة وانثري عليها شوية برونز قبل ما ينشف اللون اللي عليها وسيبيها لغاية ما تنشف..
4- بعد ما تنشف القشور علقيها بالخيوط بحيث تبقى نازلة من على شماعة الملابس. وياريت تعلقيها جنب أي تيار هواء علشان تتحرك مع الهواء.

أحواض زرع من قشور البيض
دي فكرة تانية ممكن تعمليها وتستخدمي فيها برضه قشور البيض وهي إنك تستخدمي القشور دي في عمل أحواض زرع تحطي فيها أي نوع من أنواع النباتات الموجود عندك.

وكل اللي هتحتاجيه :

• قشور بيض.
• طين.
• أي نوع من نباتات الزينة.
• طبق صغير.

الطريقة:

دي بقى طريقة مفيش أبسط منها كل اللي عليكي إنك تجيبي البيض وتفرغي اللي جواه بس بشكل يحافظ على سلامة القشرة نفسها كاملة واغسليها كويس وبعد كده دخلي فيها الطينة اللي عندك وبعد كده ازرعي فيها أي نوع نبات عندك أو ممكن تحطي فيها أي زهور عندك
من مواضيع : bob البقرة
البقاء.. للأكثر قدرة على التخفي..(2)!!
كيف تصنعين شمع الفوانيس، مزينة بشرائح الفاكهة
البقاء.. للأكثر قدرة على التخفي..(1)!!
النمل
06-02-2008, 11:32 AM
المبتسمة
 
روعة
انا لما كنت في متوسط عطوني درس في الفنية نسوي فيه كذا
من مواضيع : المبتسمة
08-02-2008, 10:58 PM
عاشقه محمد عطيه
 
حلووووكتير ورائع
من مواضيع : عاشقه محمد عطيه مكعبات عطرية من الشموع
18-02-2008, 12:58 PM
شهوده
 
يسلموووووووو بوب عالبيضات الحلوات يؤيؤيؤ قصدي الديكورات الحلوات من قشور البيضات هع يعطيك الف عافيه
من مواضيع : شهوده
18-02-2008, 11:18 PM
دمووع وله
 
Thumbs up

الله يعطيك العافيه حلووووووووو موت
من مواضيع : دمووع وله
 

الكلمات الدلالية (Tags)
من, البيض, ديكورات, قشور

أدوات الموضوع


المواضيع المتشابهه
ديكورات رومآنس
بعض انواع تسويات البيض :
شجرة البيض الملون
ديكورات رائعة

ديكورات من قشور البيض

الساعة الآن 11:52 AM.