علي الرغم من الهزيمه الثقيله من بتروجت يصر ايمن منصور علي طريقه 4-4-2 والغريب انه يحقق بهم نتيجتين كبيرتين ليعلن تحديه لكل الاصوات وانه سيستمر علي طريقته 4-4-2 حتي يعلن نجاحها
الفريق لعب مبارتين متتاليتين الاولي كانت الاربعاء 10 رمضان باسكندريه مع فريق ابو قير للاسمده وكانت النتيجة خمسه اهداف لدمنهور مقابل هدف واحد للسماد
طاب فين الكلام ده في المباريات الرسميه ولا احنا بنلعب في المباريات الوديه بلاعيبه غير بتوعنا

المهم تاني يوم علي طول لعب دمنهور علي استادنا مع جمهوريه شبين بقياده حازم ابو النور
ولعب برده بطريقه 4-4-2 وفاز اربعه لدمنهور مقابل جون واحد لشبين

واضح يا جماعه ان ايمن حيعلب ماتش نبروه بنفس طريقته 4-4-2
والغريب اني ما بلقيش حد بتابع المباريات الوديه وكئنها سريه او ان الناس متفرغه للعباده في رمضان

يجماعة انا من رايي ان المتشة الودية مش زى الرسمية وان الفرقاللى بتلاعبنا المتشة الودية بيبقى مش هاممها ومش واخدة الماتش بجد ودة عشان الماتش بيبقى ودى وتجربة للاعبين والمتشة دى مش مقياس للاداء يعنى ممكن دمنهور يتطرد منها لاعيب وبين الشوطين تنزل واحد مكانة والطريقة دى لو خسرنا بيها ماتش نبروة يبقى روحنا فى داهية وخسرنا كل حاجة لان دمنهور لو كسب نبروة برة حيبقى فرصة لينا اننا ننافس تانى ولا مجال لفقد اى نقطة.

مصطفي ما تحطش امل كبير علي اننا نكسب ماتش نبروه لان الماتش مش سهل
وخصوصا ان دفعا مش حيعرف يواجه اي هجمه منظمه مرتده لانه سايب شوارع ورا وبيعتمد علي ستر ربنا او غباء بعض المهاجمين والتعادل برده مش حيزودنا في الترتيب بالعكس ممكن ينزلنا لو فازت فرق تحتنا
اما بقي لو ربنا كرمنا وفوزنا يبقي نعرف ان دمنهور حينافس السنه دي وبقوه علي الرغم من البدايه السيئة

كلامك صح يا امير بس فى حاجة وهية ان ايمن لو لعب بالخطة دى حيدخل فينا اجوان بالعبيط دا غير ان الفراودة بتاعتنا معندهاش نزعة التهديف او القدرة التهديفية العالية

زود على كدة اننا علطول بنكسب الودى وبنخسر الرسمى وافتكر الاتحاد والالومنيوم واهى فرق كبيرة