حب جديد

xpredo script

العودة   نيو حب > المنتديات العامة > الحوار المفتوح > المنتدى الادبى
التسجيل

الحب النص نص

المنتدى الادبى

23-11-2008, 03:17 AM
مسعين بالله
 
الحب النص نص

.. انا نسيت اقول ان ده هو الحل رقم 17 .. وعلي راي اسمه ايه ده .. اللي بيقول الكبير كبير والنص نص .. نص نص .. والصغير منعرفوش .. لكن احنا بقي بصفتنا معلمين من التقال اوي .. ولا التقيل العنتيلي ..في زمانه .. هنقول لا نص نص ولا ربع ربع .. يا تشيل الجمل بما حمل .. يا بلاش .. وصدق اللي قال ان عشقت اعشق قمر وان ( ركبت ) اركب جمل .. وطبعا المثل ده معدل .. لكن اخر(فرجن )فيه بيقول ان عشقت اعشق كستر بالكرميل وان ركبت اركب شيفورليه .. بس امريكاني .. ماهو الامريكان ميعرفوش زينا الحب النص نص .. خالص .. ودي الحاجه الوحيده الحلوه في الغرب مفيش حاجه عندهم (نص لبه ) ولا ضل راجل ولا ضل حيطه .. مفيش الكلام ده.. ماهو احنا نصين يا جماعه .. نص بنات ونص ولاد .. يعني طبيعي متقسمين .. يعني لو بالقصور الذاتي هتلاقيك معاك (جوليتايا ) .. وانتي برضه بالقصور الذاتي هتلاقي .. (روميوهنايا).. موش عاوزه ذكاء .. لكن المشكله بتكون في انك تلاقي الحب الحقيقي المفقود .. واللي انت بتدور عليه واللي هيا برده بتدور عليه .. هو فيه مثل مش ظريف .. بس معروف في الحب ومستخدم مش انا اللي عامله والله .. دي قصه اجنبيه معروفه .. انتو فاكرين سندريلا .. دي بنت جميله كان محور قصة حبها ايه ؟؟.. حاجه كده مش ولا بد ..< ايه هي يافالح متقول > : 'طيب هقول متزقش.. (جزمه ولمؤاخذه ) !! .. يعني وقع من السندريلا .. الصندل (بالانجليزيه ) .. وهي بتهرب .. ام لقاه الامير وفضل يدور علي البنت اللي حبها من كل قلبه .. وبطاقتها الشخصيه و(السي في )بتاعها .. فردة صندل .. محدش قال علي مؤلف القصه قليل الذوق ولا حاجه .. وكلنا بنقول عليها قمة الرومانسيه .. وزمان انا كنت مسمي نفسي ( روميو سندريلا ).. لكن لو احنا بقي عملنا زيه .. لو الفنا قصه محورها
(جزمه ) .. كان هيبقي نهارنا ابيض متوسط .. وكله هيقول ذوقوا (وحش )وخياله (منيل )واحاسيسه
( مهببه ).. علشان ملقاش الا الجزمه يعمل عليها قصه رومانسيه .. لكن خلينا مع حمال الاسيه يا شرق يا غلبان .. يالي مستني السوق الشرق اوسطيه .. واليبع فيك يا شرق .. والشرا حلال .. محنا في سوق نخاسه عباره عن شويه عبيد مضروب عليهم سور صغير مش كبير .. اسمه العالم العربي .. ياللي خدت ضرب لما روحك طلعت.. وكل ضربه عباره عن جزمه في قفاك .. المهم خلينا بقي في الصنادل .. عارفين ليه لان جزمه كلمه شرقي ( اخي عليها ) بكسر الالف وتشديد الخاء .. اما صندل الرقيقه بقي .. مش هتكسف وانا بقولها .. اصلها كلمه اجنبيه ( يا سلام علي رومانسيتها ) ماخوذه من الكلمه الاجنبيه sandal .. يعني لو قلنا فيه صندلين يا روميو شمال ممكن حضرتك تلبسهم .. <ايه الكلام ده طبعا لا >.. طيب لو سيادتك يا جوليت ادينالك واحد يمين والتاني شمال بس موديلين مختلفين هل هتلبسيهم .. < مش محتاجه رد مش ممكن > .. طيب خلاص اذا كانت الصنادل العجماء .. لا تصلح الا مع وليفها اللي اتخلقت معاه .. ازاي بقي عاوزين نوفق راسين مش لايقين لبعض .. ونقول نكسب فيهم ثواب .. ويا بخت من وفق راسين في الحلال .. انا حزين جدا من صفقات الحب الخاسره اللي بشوفها كل يوم وكل لحظه .. يا جماعه دحنا محصلناش ( ال....... ) بجد والله .. وكل واحد وكل واحده مفيش في لسانها الا الخيانه والغدر .. وفلان قهرني .. وعلان هجرني .. وانا شايف انه لا خيانه ولا غدر .. اكيد الفردتين مش زي بعض ( فردتين الحمام يعني ) .. وهنقعد نغني ونقول كل الحمام اتنين اتنين وانا اللي مش لاقي حمامتي .. قطيعه تقطع العزال .. وخلينا نحلم بالغزال .. نفسنا ندور علي حبنا بجد وباستخدام التباديل والتوافيق .. هنلاقي حبنا اللي عمرنا مكنا نحلم بيه .. هتلاقي يا جوليت قمر بجد مش خيال .. وانت يا روميو هتلاقي قمر بجد مش خيال .. يعني مش قمر واحد.. ولا قمر بالستر .. دا قمرين في نفس اللحظه .. وده مش ممكن يحصل الا في كوكب المريخ وبس .. بس هيحصل علي الارض متقلقوش .. وهتبقي حياتنا سعاده في سعاده وحب في حب
ماهو الحب هو الحل
مش كده ولا ايه
...................... فؤاد (حازم) المهندس
من مواضيع : مسعين بالله الحب هو الحل 23( الحب والمعرفة )
الهمس بين يديك
الحب هو الحل 11( الاعلان عن الحب )
الحب هو الحل 10 ( التقل صنعه )
الحب هو الحل 42 (السلام )
23-11-2008, 03:26 AM
فراشة بورسعيد
 
الحب الحقيقى ماينتهيش ولا...بالسنين،
جايز تلهينا الدنيا...جايز،
جايز نقابل ناس تانية...جايز،
جايز أيوه وجايز لأ،
لكن ياحازم ان جيت للحق،
الموضوع جميل،وعايز يتقرى مرة واتنين،
علشان حكاية الجذمة اياها،
على فكرة أنا ليا قصيدة،بقصة طريفة قوى،
محورها <جوز جذمة>حريمى،ان شاء الله أدور عليها ،
وأحاول أنزلها يالمنتدى..............
أجمل سلام ياحازم ياصايم يامهندس...
من مواضيع : فراشة بورسعيد تمثال الحرية..لولا قيام الحرب بين فرنسا وألمانيا لكان ببورسعيد..!!
المسجية....!!
فلسطين...أحبك...
أزرار البيانو...!!
رجع بخفىّ حنين....<<أصل المثل أو القول المأثور>>..
23-11-2008, 03:27 AM
no_wonder
 
طب وانت تعرف كمان
ان الصندل او (الجزمة) فى تفسير الاحلام
بتدل على شريك الحياه
الزوج_الزوجة
ماعرفش اللى الف سندريلا كان يعرف كده
ولا هى جت معاه وخلاص
بس تشبيهك جميل خالص
وتحس ان ليه ريحة
ماهو كل حاجه معاك بترتبط بالحب
حبوب انت والله
لك منى اجمل وارق سلام
من مواضيع : no_wonder شجرة الشوك
شاهدة العبرة
فى محكمة الرفوف...
اسمع بكايا يا حجر
انت انسان
23-11-2008, 03:42 AM
nosa meso
 
الله على التشبيهات
انا والله مش عارفه انت
بتجيب الكلام ده منين
والله انت .....................
واذا كان .....................
كمل انت بقى
من مواضيع : nosa meso سمرة مع البــدر
شجر الصبار
حلم صغير
حبيبي من يكون ؟؟؟
علمتنى الحب
23-11-2008, 03:45 AM
مسعين بالله
 
اقتباس:
المشاركة الأصلية كتبت بواسطة no_wonder
طب وانت تعرف كمان
ان الصندل او (الجزمة) فى تفسير الاحلام
بتدل على شريك الحياه
الزوج_الزوجة
ماعرفش اللى الف سندريلا كان يعرف كده
ولا هى جت معاه وخلاص
بس تشبيهك جميل خالص
وتحس ان ليه ريحة
ماهو كل حاجه معاك بترتبط بالحب
حبوب انت والله
لك منى اجمل وارق سلام
لا بصي انا عاوز اقولك علي حاجه
دايما اللي مش عارف ( مش انتي طبعا )
يرمي اراء جزافيه .. ويدعي انها جت بالصدفه
او رميت حظ او غيره ..
او كما يقال رميه بلا رامي
بس الحقيقه
ان كتير من الناس مش بتلعب
دا تفكير عميق ودراسه
العمليه مش سهله خالص
والناس اللي قبلينا ( مهما كان عصرهم )
مش متخلفين ولا حاجه
وهييجي الوقت اللي هتعترف ليهم بالفضل
ودي قاعده عامه
لان الخبره البشريه تراكميه
صحيح فيه ناس بتسبق عصرها ..
لكن كل واحد له فلسفته وله اراؤه
والشاطر اللي يتعلم
مش اللي يعلم
لانك علشان تعلم لازم تعلم واحد ناجب
اما المتعوس وخايب الرجا
فلا فائده ترجي من تعليمهم
المسيحين والمسلمين احيانا
كانوا يرسمون هالات مقدسه
حول الاشخاص
حول رؤوس الاشخاص
القران اكد ان للمؤمن نور
له هاله فعلا
والعلم الحديث جه واثبت
ان حول الاشخاص فيه هاله
حقيقيه مش معنويه
يعني لو فيه حد جه وسرقني
ممكن اصور المكان عن طريق
بعض الموجات الكهرومغناطيسيه
وهتحدد الهاله دي
وهنعرف مين اللي سرقني
دا قديما كانوا بيسموه الاستشعار
عن بعد
دلوقتي تطور تطور هايل
مين بقي اللي ؟؟ يا جوجو اللي
رمي رميه بلا رامي
كلهم عباقره
واحنا بس اللي قاعدين .. نافخين بطننا
وبنشد في الشيشه ونقول
متخلفين
والله اعلم مين ؟؟؟
من مواضيع : مسعين بالله سيدتي
شجر الخريف
حب تيك اواي 5(حبي لاحجار غزه )
حوار في الفضاء
الي فتاتي لافتاتي
 

الكلمات الدلالية (Tags)
الحب, النص

أدوات الموضوع


الحب النص نص

الساعة الآن 02:46 PM.