حب جديد

xpredo script

العودة   نيو حب > المنتديات العامة > طريق الاسلام
التسجيل

الأمة ماتت ومافيش أمل في نهضتها!|الحلقة الثانيه|خدعوك فقالو|

طريق الاسلام

23-12-2008, 04:37 AM
المحبة في الله
 
06 الأمة ماتت ومافيش أمل في نهضتها!|الحلقة الثانيه|خدعوك فقالو|

الأمة ماتت ومافيش أمل في نهضتها!|الحلقة الثانيه|خدعوك فقالو




هل الامه ماتت ؟


هل مافيش امل في الامه؟



هل ياجماعه لو احنا شفنا اشياء سلبيه بتحصل في امة النبي صلي الله عليه وسلم هل كدا احنا حاسين ان مافيش امل ان في يوم من الايام يمكن لينا في الارض وان الخير يملا بلادنا الاسلاميه والعربيه؟؟

ده موضوع حلقة النهارده:
سؤال النهارده وخدعة النهارده هل الامة ماتت !!!؟
وانا احب افكركم بحاجه قبل ماتكلم ان فكرة برنامج خدعوك فقالو اصل تحضيره كان منكم انتم احنا فكرنا نعمل برنامج عن المفاهيم الخاطئة وقلنا هيكون خمس دقائق بس وهيتعرض ثلاث اربع مرات في اليوم بحيث اننا نقول المفهوم ونصلحه فبعتنا للناس علي الانترنت واصحابنا بالمسجد ففوجئنا برد افعالهم انهم عايزين برنامج يكون كبير لان في مفاهيم خطأ كبير في حياتنا عايزينها تتصلح وكان من اهم المفاهيم اللي اتبعتت ان احنا عايزين نغير المفهوم اللي ترسخ جوانا وان هل امتنا بتنحدر!!!
ولا في صحوة ؟
عشان كده قبل مانتكلم عن المفاهيم الخاطئة اللي بعلاقتنا ببعض او علاقتنا بربنا عز وجل لأمتنا حق علينا الاول ان احنا الاول نفوق مع بعض ونشوف الصحوة الحلوة اللي في امتنا عشان كل واحد فينا يلحق ياخد دور في الصحوة دي.
المفهوم بيقول ان مافيش امل في الامة!!!!!
المفهوم بيقول ان الاشياء السلبيه اللي احنا شايفنها ........الاخلاقيه أو حتي الدماء الموجودة في امتنا للاسف الشديد بتقول ان احنا في مرحلة وحشة اوي!!! واننا بنقع !!!مع ان في حجات كتير اوي ايجابية موجودة والله ولكن عايزين يكون عندنا حق.
عندنا حق في ايه :
ان في حجات كتير اوي رسخت جوانا المفهوم ده عايزين نناقشها ونقول هل الحجات اللي بتحصل في امتنا السلبيه دي هل انتقام من ربنا عز وجل؟؟
ولا عشان ربنا بيحبنا بيفوقنا لما بعدنا عنه...
بعدنا عن عبادته...
بعدنا عن عمارة الارض...
قبل مانكمل كلامنا احنا عايزين نسمع من الناس لما سألناهم هل في امل في الامة؟؟

ولا مافيش؟!!!

ناس كتير قالت ردود سلبيه وفي ناس كان عندها امل وقالت ردود ايجابية.
تعالو الاول نروح للتقرير ده ..........وبعدين نحلل كلام الناس.
وعايزين النهارده نغير هل الامة ماتت ؟؟؟
لا والله احنا في صحوة كبيرة

ولكن بعد التقرير ان شاء الله

التقرير:

والله... هي الامة ماتت!!!

اللي بيحصل دلوقتي مايرديش اي حد!!!

لا انشاء الله مش هتموت لحد يوم الدين :)

الامة الاسلامية وضعها سيء جدا !!!

هو في امة اسلامية اصلا دلوقت :(

نعم:(؟؟؟؟؟؟؟؟؟؟؟

الامة الاسلامية عباره عن بني ادمين يعني كل بني آدم مفروض يغير في نفسه.

الحال وحش جدا !!!

مافيش تمسك بالاخلاق والقيم والدين

تدهور وتخلف وكل حاجه انت عايزها

هي حالتها كويسه بس هي محتاجه شوية نهضة محتاجه ان الناس تحس بالمسئوليه وتؤمن باللي هي بتعمله.

في تدهور!!!

وضعها مخزي جدا جدا !!!

لو اتبعنا حجات معينة ومشينا عليها ممكن تتصلح

الشباب ماعندوش احساس او ماعندوش امل بأنه ممكن يعمل حاجه بيقول مش انا اللي هاغير الكون !!

لا هنغير الامة :).

في شباب مش واعي شوية وفي شباب واعي.

نصلح نفسنا الاول والباقي كله هيتصلح انشاء الله :).

لو كل واحد بدأ بنفسه اكيد الاصلاح هيجي.

اكيد انشاء الله.

كلو بيتمني انه يعمل حجات بس مش لاقي فعل لاي حاجه

أولي الامر منا هما اللي هيغيرو كل حاجة من حوالينا يعني!!!!!!!!!!!!!:(الأمة ماتت ومافيش أمل في نهضتها!|الحلقة الثانيه|خدعوك فقالو|

طول ماحنا كده سلبيين مافيش حاجه بنعملها خالص قاعدين كده حاطين ايدينا علي خدنا مابنعملش حاجه مافيش حاجه هتحصل.

مافيش حد دلوقت بيفكر غير في نفسه يعني ماعدش فيه حتة الترابط او الوحدة ولا الكلام ده.

طبعا لازم يكون في نابع من جوانا اننا نتحسن.

مايغير الله قوم حتي يغيرو ما بأنفسهم

باتمني انها ترجع امة تاني.

باتمني ان يكون في ترابط.

الحال بعد خمسين سنة زي ماهو!!!!

مع ان المشهد الحالي حزين للامة الا ان الفرج قريب باذن الله سبحانه وتعالي


>>>السلام عليكم <<<






زي ماسمعتم يا جماعة
الشباب جزء منهم محبط وشايف ان مافيش امل في امتنا ومتأثر بأحاديث كثيرة أخلاقيه أو أحداث ممكن تكون سياسية وشايف اننا في انحدار مستمر وجزء تاني شايف الحجات الايجابيه عشان كده عايز ابدأ معاكو حلقتي بحاجه
الحاجه دي برده مرتبطه بالطب النفسي ومرتبطة بتفكير الانسان الايجابي او السلبي بالامور اللي شايفها ادامه

انا طالب منكم طلب اننا شوية نكون ايجابين واحنا بنسمع الكلام بتاع النهارده يعني ايه ايجابين................. الدكاتره النفسين بيقولو ان اي انسان بيكرر حاجه علي ذهنه بيبدأ يصدقها فيبدأ العقل يفتحلها زي ملف صغير كده والملف ده خلاص بيبدا يبرمج الدماغ ان مافيش موجود في الدنيا غير المفهوم ده فيبدأ وهو ماشي مايشفش غير المفهوم اللي ادامه ..........
فلو كان ايجابي وهو ماشي مايشوفش غير الايجابيات

ولو كان سلبي وهو ماشي مايشوفش غير السلبيات

فهل احنا خلاص عقولنا اتبرمجت ان مافيش امل في الامة ...وان الأمة بتموت!!!
من مواضيع : المحبة في الله هناك شبهات حول النبي "صلي الله عليه وسلم "!|الحلقة الثالثة|خدعوك فقالو
الدعاء علي العدو
الله نور السماوات والأرض
عاشوراء
300حديث شريف لرسولنا الكريم
23-12-2008, 06:15 AM
المحبة في الله
 
06

احنا عايزين لو سمحتم لو احنا خلاص اتفقنا علي كده في كتير من مجتماعتنا بيقول ان مافيش امل في امتنا!!!

لو سمحتم احنا النهارده برنامج خدعوك فقالو عايزين نشيل المفهوم ده ونقول >>>>>>لا<<<<<<

اسمعونا النهارده بحيادية شوية......... واحنا بنقول المظاهر الجميله الموجوده في امتنا اسمعونا بحيادية...واحنا بنتكلم عن حكمة ربنا.
ليه ربنا عز وجل بيعمل مع امتنا كده؟؟؟ وليه احنا ممكن نكون في ابتلاء؟؟
ولكن الاول قبل ماتكلم علي الحجات السلبيه والايجابية
انا حاسس ان في حد بيتفرج علينا بيقول يا عم امة ايه وبتاع ايه !!! المهم انا مصلحتي وحياتي ودنيتي وجنتي !!!!!!احنا مش كده يا جماعة
احنا النبي صلي الله عليه وسلم من ساعة ماجه للدنيا وهو بيعلمنا كلمة اسمها
>>>> أمتي أمتي<<<<
وربنا سبحانه وتعالي في ايه بالقران في سورة اسمها سورة "الأنبياء" ربنا بيقول للناس
" إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ {92}

الجزء السابع عشر >> سورة الأنبياء

فلازم كل واحد فينا يبقي عارف انه عايش في امة
وان من اكبر وصايا النبي صلي الله عليه وسلم لينا عشان نحس بمفهوم الامة
>>> مسألة صلاة الجماعة<<<
ان احنا لازم نكون بنصلي مع بعض والنبي شدد في الموضوع ده علي الناس صلوا جنب بعض في بيت ربنا وانتو بتصلو وانتم بتقرأو الفاتحة ماتقولش لربنا عز وجل اياك اعبد واياك استعين ولكن قول "اياك نعبد "واياك نستعين " كلنا مع بعض.
حتي ان النبي صلي الله عيه وسلم في اشد لحظات احتياجه انه يدعي لنفسه كان اغلب دعواته للأمة ففي:
صحيح مسلم. الإصدار 2.07 - للإمام مسلم

الجزء الأول >> 1 - كتاب الإيمان >> (86)باب اختباء النبي صلى الله عليه وسلم دعوة الشفاعة لأمته

334- (198) حدثني يونس بن عبدالأعلى. أخبرنا عبدالله بن وهب. قال: أخبرني مالك بن أنس عن ابن شهاب، عن أبي سلمة بن عبدالرحمن، عن أبي هريرة؛ أن رسول الله صلى الله عليه وسلم قال:
"لكل نبي دعوة يدعوها. فأريد أن أختبئ دعوتي شفاعة لأمتي يوم القيامة".
اذا احنا لازم نبقي عارفين حاجه كويس اوي ان احنا مصلحة امتنا من مصلحتنا وان زي ما كل واحد فينا يا جماعة



هيتسأل عن حاله مع ربنا
هيتسأل عن اثره السلبي والايجابي في الامة دي
عشان كده النهارده محتاجين نتكلم...
>>>أمتنا مماتتش<<<
ولازم كل واحد فينا يبقي ليه دور ايجابي في الصحوة الجميلة اللي هنتكلم عليها في الامة النهارده ولكن
انا عارف ان في حجات سلبية كتير اوي خلتنا نركز علي مسألة ان احنا في تدهور
ممكن يكون التأخر الصناعي الموجود في بلادنا العربية والاسلامية عن اوروبا وامريكا خلي المفهوم ده موجود
ممكن تكون الدماء المنتشره في بلادنا او بعض بلادنا الاسلامية بسبب بعض الحروب اللي من غيرنا علينا
ممكن يكون في بعض الظواهر الغير اخلاقية اللي ممكن تكون تفشت في بعض مجتماعتنا العربية والاسلاميه اوعي تعمم
عندنا حاجه كمان للأسف الشديد كل شويه تدق علي ادماغنا ان احنا وحشين
|||||الصورة السيئة للأعلام|||||
اللي بيصور الاسلام
لو انتو قربتو من ربنا عز وجل والتزمت حاجه من اتنين :
اما هتبقي في شغلك هتكون عمال تصلي السنة ومش فاضي تعمل شغلك فالواحد يبقي كاره احنا في الشغل يبقي المفروض نبقي كويسن انت سايب الشغل وعمال تصلي فمنحبش الصورة دي!!!
او في صورة الانسان المتدين المتشدد الارهابي اللي برده ماحدش فينا بيحب الصورة دي!!!
فبقي كثير من الناس مش حابب صورة الالتزام وصورة الاسلام وصورة معني كلمة امة قريبة من ربنا عز وجل!!!
عشان كده يا جماعة في كثير من الاوقات بيترسخ المفهوم ده ادامنا يمكن يكون
|||| قنوات العري|||||
وانا اسف انا مش قادر اسميها اسم غير كده وانا شاب من الشباب ولامس اللي بتعملو قنوات العري سواء كانت افلام مش كويسه او سواء مثلا كانت قنوات... كليبات بتشدنا في البعد عن ربنا عز وجل وبتدمر اخرتنا وحتي تركيزنا في شغلنا وفي الدنيا عشان كده يا جماعة يمكن يكون الحجات دي اثرت سلبيا وخلت كتير مننا يحس اننا امة منحدرة ويمكن يكون غيرنا بيسمينا كده بطريقه هدامة
انتو عارفين يا جماعة في قاعدة موجوده في الذهن بتقول
>>> ماتكرر تقرر<<<
كل ماتكرر حاجه كلما تتقرر في ذهنك
أنا من الناس اللي مابتقبلش يبقي اسمنا دول نامية ودول العالم التالت اقصد يعني الدول المتخلفة انا مابحبش ان حد يقول علي دولنا العربية والاسلامية ان احنا دول العالم التالت درجه تالته يعني!!!
دول العالم التالت في ايه في الاخلاق!!! طب ما برا ضايعين في الاخلاق وهنتكلم دلوقتي بالاحصائيات بتاعتهم
ولا تقصد في الانتاج والزراعة والصناعة
بردو ماتسمنيش كده!!!
احنا بنحاول نتحسن وانتو دلوقت واحنا ماشين مع بعض بنتكلم عن الصور الايجابيه اللي في مجتمعنا يارب يبقي جوانا امل زي مانفسي النهارده ابث الامل ده من قلبي لقلبكم
وعلي فكرة يا جماعة انا باحس كتيراوي وانا جاي البرنامج ده ان دا برنامج نقل احاسيس ومشاعر ........احاسيس جوايا انا وفريق الاعداد الناس اللي بتساعدنا في تحضير البرنامج وكل اصحابنا واخوانا واباءنا وامهاتنا والمشاهدين
انا جوايا احساس
ان احنا ياجماعة امتنا حلوة وبتقوم في مواجهة صعاب وفتن وحروب بس احنا عندنا حجات جميلة واوعو تنسو زي ما عبد المطلب اللي ماكنش ساعتها النبي جه وابرهة جه عشان يهدم الكعبة قال للبيت رب يحميه فانا بقولكم النهارده للأمة رب يحميها واوع تفتكر ان ربنا عز وجل مش شايف اللي بيحصل ولازم نبقي عارفين كويس اوي ان ربناليه حكمة في كل شيء بيفعله "انا كل شيء خلقناه بقدر" ولعل اللي ظاهره شر اللي بيحصل في الامة والاشياء السلبيه او بعض تقصير في الشغل أوبعض الاشياء الغير اخلاقية اللي بتحصل في الامة اليومين دول لعلها يكون خير لما بيحصل الشر ده بيفوق اهل الخير ان ماينفعش نسيب مجتمعنا فيه المشاكل دي وماينفعش نسيب امتنا فيها المشاكل دي يمكن يكون اللي بيحصل في امتنا من دماء هوتفويق لكثير مننا اللي كانو نايمين ومش واخدين بالهم من وضع الامة الاسلامية
" فَعَسَى أَن تَكْرَهُواْ شَيْئاً وَيَجْعَلَ اللّهُ فِيهِ خَيْراً كَثِيراً {19}"
الجزء الرابع >> سورة النساء
شوفو يا جماعة لازم نكون عارفين كويس اوي ان احنا عندنا صور مشرقة كتييييييييييييييييييييييي ييييييييييييييييييييييييي ييييييييييييييييييييييير اوي في حياتنا وهذة الصور المشرقة الموجودة الكتيييييييير اوي في حياتنا لو احنا كنا سلبيين ومش عايزين نشوفها مش هنشوفها<<<<<<<<<<<<<<<<<<<<
في انتاج بيتحسن في بلادنا............ وفي دين وهنقولكم دلوقتي معلومات جميلة جدا
في دين بيخش في قلوبنا كلنا وفي كتير افكار ايجابيه ماكنتش موجودة ستين سبعين سنة اللي فاتوا وفي ناس بيحصلها وعي في مجتماعتنا وفي اشياء ابتدت تخش من فهمنا للأسلام ان زي منا لازم اتقن صلاتي بين يدي الله في المحراب زي منا لازم اتقن شغلي وفي احصائيات كتييير اوي بره وجوه عن الاسلام بتقول ان عددنا بيزيد
وبتقول ان احنا كتير من اغنياء العالم مسلمين
وبتقول ان كتير من الشباب بدأو يسألو عن الحرام والحلال .
وكتير اوي من الناس ابتدت تسأل اشتغل الشغل دا ولا ماشتغلش الشغل دا ؟
وكتير من الناس بدأت تصالح نفسها حتي علي مستوي التوجهات الاسلامية بدأ يحصل تصالح حتي ولو كان في الظاهر في شوية مشاكل في دولنا الاسلاميه لكن لا والله
والله العظيم وهتشوفو دلوقت بالقصص وهتشوفو اد ايه ان حتي الدول اللي فيها حروب واللي فيها مذابح طالع من جواها امل جوه الحروب وجوه المذابح.
كل حضارة في الدنيا يا جماعة واللي بيقرا فيكم التاريخ الا الحضارة الاسلامية بتتطلع تطلع تطلع ولو وقعت مابتقمش تاني الا حضارة امة النبي علية الصلاة والسلام تتطلع وسعات بتتخبط خبطات قاتلة وبعدين تقوم هاقولكم حاجه انت عارف امتنا دي عامله زي ايه؟ امتنا دي عاملة........
زي الحصان
مرة كان في واحد ماشي مع الحصان بتاعه ممكن الحصان ده ماكنش غالي عليه اوي وهما ماشين وقع الحصان في بير فصاحبه ماحاولش يتعب نفسه انه يجيب حبل ويشد الحصان من البير او الناس تساعده هو كسل بصراحة عن الموضوع ده فقال خلاص انا هاردم عليه ففضل يردم عليه رمل يردم عليه رمل..........
لكن الحصان كان زكي الرمل ده كان عامل زي التحديات اللي تنزل عليه.......
لكن الحصان كان عارف انه هيقدر يقوم فبدأ يحرك نفسه شويه زي ماحنا بنعمل في البرنامج ده بدأنا نتكلم ونكلم نفسنا ونحرك مجتماعتنا فبدأ الرمل بدل ماينزل عليه ينزله بدأ ينزل جانبه وينزل تحته وكل ما الرمل ينزل من جانبه لتحته يقوم دايس برجليه طالع فاستغل المحن اللي هي الرمل في سبيل انه يطلع
فصاحبه فاكر ان خلاص الحصان بيموت والرمل قرب يملا البير وفجأة اذا بالحصان يطلع ويقول انا موجود

>>>> استغليت المحن اني اقف علي رجلي امتنا كده<<<<
عايزين نتكلم عن حجات ايجابية زي مافعلا قلنا ان مفهوم ان الامة عند كثير من الناس في انحدار ومافيش امل فيها بسبب اشياء سلبية عايزين نشيل الاشياء السلبيه دي من عنينا ومن قلوبنا ومن دماغنا ونشوف حجات ايجابيه جميله في الامة بتقول ان احنا بنقوم من سنين ممكن نكون نمنا فيها شوية وانا صراحة عايز ابدأ بدايه غير متوقعة اننا اقول ان اكتر البلاد اللي فيها امل ان فيها امة تقوم هي البلاد اللي فيها ابتلاء شديد وانا من موقعي هنا اللي اقدر اعمله عايز احي تحية كبيرة اوي لأهل فلسطين وأهل الابتلاء اللي من سنين طويلة اوي عايز اقول يا اهل فلسطين ربنا يثبتكم ويعز بيكم الامة ويصحي بيكم الامة انتو عاملين زي الصحابة
الصحابة ربنا عز وجل صحي بيهم الدنيا
والخير اللي احنا فيه دلوقت بمجهود الصحابة وعلي راسهم طبعا النبي صلي الله عليه وسلم لكن عشان يصحو الدنيا اللي عاشت في غفلة بل في كفر طبعا قبل الاسلام عشان يصحو الدنيا كان لازم يدفعو التمن ان هما اللي اتشردو مش احنا وان هما اللي قتل اعز الناس وان هما اللي اطردو من ديارهم وهاجرو عشان في الاخر الخير والاسلام والاخلاق ينتشر في الدنيا انتو زي الصحابة في الامة دلوقت كل مانغفل شوية تيجي عزة فلسطين وثبات فلسطين وعزيمة فلسطين تقولنا فوقو شوية انتو عمالين بتلعبوا والناس هناك واقفين وقفة عشان امتهم الاسلامية والعربية وعشان دينهم كمان عايز اقولكم يا اهل فلسطين
" هُوَ الَّذِي أَخْرَجَ الَّذِينَ كَفَرُوا مِنْ أَهْلِ الْكِتَابِ مِن دِيَارِهِمْ

لِأَوَّلِ الْحَشْرِ مَا ظَنَنتُمْ أَن يَخْرُجُوا وَظَنُّوا أَنَّهُم مَّانِعَتُهُمْ

حُصُونُهُم مِّنَ اللَّهِ فَأَتَاهُمُ اللَّهُ مِنْ حَيْثُ لَمْ يَحْتَسِبُوا وَقَذَفَ
فِي قُلُوبِهِمُ الرُّعْبَ يُخْرِبُونَ بُيُوتَهُم بِأَيْدِيهِمْ وَأَيْدِي الْمُؤْمِنِينَ
فَاعْتَبِرُوا يَا أُولِي الْأَبْصَارِ {2}



الجزء الثامن والعشرون >> سورة الحشر
ابشرو" فاتاهم الله من حيث لم يحتسبو وقذف في قلوبهم الرعب يخربون بيوتهم بايديهم وايدي المؤمنين فاعتبرو يا اولي الابصار"
ابشر انشاء الله نرجع لربنا ونحب بعض زي مهنواصل لاخر الحلقة ربنا يعافينا
وانا دلوقت هاسيبكم مع سن واحده من اخواتنا الصغيرين يااااااااااه نفسي انها ترضي بيا اني اكون اخوها..............
خلود البنت اللي واقفه ادام العالم وبتقول ان احنا مش هنقبل انه يتداس علي كرامتنا احنا امة النبي صلي الله عليه وسلم بجد لو خلود دي اختي والله ماكنت سبتها تمشي علي الارض كنت حطتها فوق دماغي من كتر منا عندي عزة بخلود هاسيبكم مع خلود وبعدين نرجع تاني انشاء الله اتفضلوا

فلسطينى انا اسمى فلسطينى

نقشت اسمى على كل الميادين

بخط بارز يسمو على كل العناوين
حروف اسمى
حروف اسمى تلاحقنى تعايشينى تغذينى
تبث النار فى روحى وتنبض فى شراينى
جبال النهر تعرفنى مغاورها وتدرينى
بذلت الطاقة الكبرى وقلت لامتى كونى
صلاح الدين فى اعماق اعماقى ينادينى
وكل عروبتى للثأر للتحرير تدعونى
وراياتي التى طويت على ربوات حطين
وصوت مؤذن الاقصى يهيب بنا اغيثونى
والالاف من الاسري والالاف المساجين
تنادى الامة الكبرى وتهتف بالملايين
تقول لهم الى القدس اليها قبل تأبينى
الى حرب تدك الظلم تزهق روح صهيون
وترفع فى سماء الكون اعلام فلسطين
وتأزر كلمتى تمضى
فلسطينى
فلسطينى
فلسطينى




تحية من خدعوك فقالو ومن اهل مصر لخلود اللي انا افخر انها ترضاني اني اكون لها اخ كبير
تحية لأهل فلسطين

قال تعالي" الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ

فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ {173}

الجزء الرابع >> سورة آل عمران
ربنا يثبت اهل فلسطين ويعين اهل فلسطين مش ناسينكم من الدعاء وربنا يرفع الغمة عن امة النبي صلي الله عليه وسلم
من مواضيع : المحبة في الله اجر صيام العشر الأوائل
برنامج مشكلات من الحياة |برنامج فتاوي|د.عبدالله المصلح |الحلقة الثالثة|
برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى
الدعاء علي العدو
300حديث شريف لرسولنا الكريم
23-12-2008, 05:16 PM
المحبة في الله
 
06

قبل ماتكلم عن الصور الايجابية الجميلة الموجودة في مجتمعنا

عايزاقول معني اصرخ بيه اقول يا جماعة الامة الاسلامية مش في اسوا حالتها الامة الاسلاميه مرت باشياء تموت اي امة تانيه وداست علي الامة الاسلاميه لكن وقامت الامة الاسلاميه كالمارد بعد سنوات التعب من اول ما التتار اجتاح الامة الاسلاميه سنة 616 بدأ اجتياح الامة الاسلاميه عايز اقولكم أعداد القتله كان التتار يخشو البلد ماكنوش مثلا عايزين الخيرات بتاعتها . كما يقول احد المؤرخين اسمه عماد هدفهم افناء النوع البشري يخضو البخاره بلد الامام البخاري يقتلو 200,000 واحد يخشو يدبحوهم
يخشو بلد اسمها مرو احد البلاد الاسلامية يقتلو 700,000 واحد في يوم وبعدين يوصلو لبغداد يقتلو مليون واحد وفي رواية تانيه 2 مليون وان كان اقوي الروايه الاولي لدرجة ان الناس من كتر انتشار اشلاءهم في الارض ان الناس اللي هربت فوق الجبال ماتو من نتن الرائحة ومن الطاعون اللي انتشر بسبب الجثث
فانت متخيل ايه الي حصل للمسلمين لدرجة ان ساعتها كان موجود احد المؤرخين اسمه ابن الاثير عاصر اللي بيحصل وفضل يقول انا كنت ماسك نفسي مش عايز اكتب مش قادر اتكلم عن اللي حصل لأمة الاسلام وانا شايفه بعيني راح قال كلمة:
"كيف يستطيع رجل ان يكتب بيديه نعي المسلمين”
انا مش قادر اكتب نعي امة الاسلام وبدأ بعد كده يكتب ويارخ اللي حصل
بص المهانه والذل اللي مش موجوده دلوقت عندنا لدرجة ان الراجل التاتري بسيف مش برشاش يخش في شارع في 100 مسلم يدبحهم وهما واقفين ساكتين
يبقي ماشي في الشارع ماعهوش سلاحه ويلاقي الناس واقفه علي جنب هو عايز هو يقتلهم فيقولهم خليكم زي مانتم ماتتحركوش يروح يجيب السيف والناس وقفه خايفه تتحرك عشان لو عرف انهم اتحركو هيدبحهم اكتر فيبقو واقفين فيرجع يدبحهم كلهم
شايف الذل والمهانة 42 سنة اجتياح وتدبيح للأمة الاسلامية
وصلو عند المدينة علي نهر اسمه جيحون النهر ده اصلا نهر من انهار الجنة وربنا خلقه كمان في الدنيا كان في مدينة اسمها اورجاندا كانت بجانب النهر وكانو بانين بينهم وبين النهر سد عشان النهر مايغرقش المدينة قعد التتار 5 شهور محاصرين المدينة وبعد كده بعد مافتحوها كانت الناس نزلت في السراديب والخنادق اللي تحت الارض راحو مكسرين السد فاذا بالنهر يغرق كل المدينة مابقاش في مدينةاسمها اورجاندا خلاص بقت حتة من النهر وصلو عند غزة مين دول ؟ التتار وبعدين راسلو بلادنا الحبيبة مصر وكان في ملك مايسواش حاجه عندهم
اسمه قاهر التتار عندنا اسمه قطز
الملك اللي هو ميسواش حاجه عندهم لما بعتوله وقالولو سلم عشان انت لو ماسلمتش هندبحك زيهم زي كل الناس فطلع قطز بعد ماقال كلمة للناس كلها
"من للاسلام ان لم يكن نحن”؟
وطلع بجيش مصر الحبيبة وقابل الناس هناك في غزة ولقي الناس تانين فاجتمعو كل المسلمين وحاربو التتار من 616 تدبيح للمسلمين 658
يوم 24 رمضان كان في دولة اسمها التتار هي اللي ماحدش يقف ادامها هي اللي بتحكم
الدنيا
يوم 25 رمضان سنة 658 حصلت المعركه
يوم 26 رمضان مافيش حاجه علي الخريطة اسمها التتار

<<<<<<<واسلاماه<<<<<<<<<

من للاسلام ان لم نكن نحن!!!!!!!!!
يوم 24 اكبر دولة

يوم 25 المعركة

يوم 26 ماعندناش حاجه اسمها تتار خلاص راحت هذة الامة اللي ذبحت امة الاسلام بل ذبحت العالم كلو

دخلتو المساجد
شوفتو المساجد في رمضان وغير رمضان شوفتو الناس في رمضان اي مسجد مش مهم لازم يكون فيه قارئ مشهور ازاي بيصلوا بره في الشارع
الرجوع لبيت ربنا ده احد اكبر المؤشرات بالذات لما يكونو الشباب هما المالين بيت ربنا

شفتو في الجامعات الحجاب اد ايه ؟
شفتو كمية المحجبات بقي 90% انا بخش جامعات كتير
90% من البنات محجبات عايزه اقولكم علي حاجه وانا بقول محجبات واحد لاقيتو بيقولي برده مفهوم سلبي ........انت ماتعرفش اخلاق المحجبات عامل ازاي !!!!!!
تعالو نقول حاجه مع بعض كان في واحده عندها مشاكل اخلاقيه وكمان مش محجبة خدت خطوة الحجاب لسه مشاكلها الاخلاقيه تتظبط فلما اتحجبت انت قلت دي اكيد هتتظبط اخلاقيا وقلت اكيد بعد ماتتحجب لا يمكن هتسيب نفسها كده
في ناس بتتحسن بس انت عشان هي اتحجبت اتوقعت انها مش هتغلط هي خدت خطوة شجع بقي يا اخي خدت الخطوة ربنا يتقبل منها انشاء الله بكره يكون اخلاقها اخلاق ربنا يرضي عنها والحمدلله احنا كشعوب عربيه واسلامية بفضل الله الغالب عندنا الفطرة السليمة الا بعض الصور السلبيه اللي بسبب ان احنا اقتنعنا ان احنا اخلاقنا بتموت مش شايفين غير الصور السلبيه لا والله الايجابيه والخير مالي بيوتنا

علي فكرة اذا كنت فاكر ان احنا بس اللي عندنا مشاكل اخلاقيه!!!
يا جماعة يوم القيامة قرب والمشاكل الاخلاقيه موجودة في الدنيا كلها اوع تفتكر ان المشاكل الاخلاقيه عندنا بس وانها في امتنا وان احنا اللي بنقع اقولكم معلومة
المركز الوطني الامريكي للضحايا بيقول ان عندهم 683 الف حالة اغتصاب في السنة انت عارف يعني ايه يعني كل ساعة بتغتصب في امريكا 78 امراة المركز الوطني الامريكي للضحايا اللي بيقول مش انا يا جماعة
اوروبا وانا مش عايزه اتكلم علي غيري بس انا عايزه اقول ان العالم كلو في انحداراخلاقي
احنا بنقوم
احنا ماعندناش عشر الكلام ده الحمدلله احنا بلادنا اكثر امانا واكثر اخلاقا 400,000 جريمة بتحصل في السنة برا بلاش انبهار بالخلق بالحلو والوحش والحجات الوحشة اللي عنده فننسي ان احنا بلادنا هي اللي فيها الخير اه احنا محتاجين اننا نكون احسن من كده ومحتاجين نتقن عملنا شويه ومحتاجين نعرف كويس .
وان ابتدي المفهوم ده يخش ان زي مابتتقن في الصلاة لازم تتقن في العمل وتقصيرك في العمل زي تقصيرك في الصلاة والمفهوم ده بدأ يخش والحمدلله رب العالمين

شوفت القنوات الاسلامية
من عشر سنين يمكن ماكنش موجود غير قناة اقرأ وبفضل الله عز وجل كل سنة او كل فترة بيطلع قناة اسلامية اصبح عندنا اكتر من عشرين قناة

24 ساعة قران………. 24 ساعة بث للاخلاق الحلوة
24 ساعة كلام عن النبي صلي الله عليه وسلم اللي اكيد المرة الجايه هنتكلم عليه كتير 24 ساعة كلام عن ربنا وكلام عن الجنة ولقاء الله عز وجل 20 قناة اسلامية وكنا من عشر سنين ماكنش موجود ولا قناة ويمكن بدأ واحدة واحدة دلوقت
تقدر 24 ساعة تسمع او تعرف عن نبيك وربك رب العالمين سبحانه وتعالي.

بيطلع منكم يا جماعة العمرة من عشر سنين او عشرين سنة يشوف الرؤوس البيضاء اللي قربت تطلع علي المعاش او اللي طلعت علي المعاش وخلاص فضيو فعايزين بقي كده يروحو حسن الختام عند ربنا وكان الشباب قصة العمرة والحج دي ازاي اعمل عمرة وحج انا عايز ابدأ اعيش حياتي والعبها صح قبل ما اموت بسنتين تلاته اعمل حج فربنا يغفرلي كل اللي فات وخلاص ..........................كان زمااااااااااااااااااااااا ااااان
انت لم تري مسجد النبي صلي الله عليه وسلم 24 ساعة او الحرم الا مليان بالشباب والشبات والكبار والصغار خلاص اصبح الناس تدخل في القرب من ربنا افواجا واغلبهم شباب بفضل ربنا سبحانه وتعالي
حتي الجمعيات الخيرية زمان كان كثير من الناس عايشين لنفسهم اصبح عندنا والكلام ده بقالو 15 سنة بقي عندنا 36,000 جمعية خيرية فيها عشرات الالف بل المئات بل لو حبيت تقول ملاين الشباب اللي عايشين لغيرهم واللي بيخدمو غيرهم مش بيخدمو نفسهم من الجمعات الخيرية قائمة للعمل الخيري للناس التانية
تعالو معايا اقولكم عدد المسلمين اللي بيخشو للاسلام كل ده وانا نفسي نشيل من قلوبنا ونشيل من عيوننا ومن اذهانا موت الامة
امة ايه اللي بتموت!!! الحق خد مكان في صحوة الامة اللي بتحصل!!!
الصحوة الاخلاقيه والصحوة حتي العملية وهنتكلم فيها دلوقت الحق خدلك مكان بسرعة والحق زق مع الناس اللي بتصلح بره في اوروبا وامريكا نيويورك تايمز يمكن اشهر المجلات والجرائد عندهم بيقولو ان في امريكا 25000 واحد بيخشو في الاسلام عارف يعني ايه يعني حضرتك لو نمت 8 سعات اللي بتنامهم دول بعد مابتصحي مبروك للأسلام في 24 واحد دخلو في الاسلام كل ساعة 3 بيسلمو متخيل هروب الناس من كل حاجه الا الي الله عز وجل .........متخيل هروب الناس الي حضن الاسلام وسكينة الاسلام وهدوء الاسلام الله لما تسمع من الغرب وهما بيقولو ان اسرع الديانات انتشارا هو دين النبي صلي الله عليه وسلم الله لما تسمع الغرب بيقولو ان اكتر مبيعات في الدنيا هو المصحف الذي انزله رب العالمين علي النبي صلي الله عليه وسلم
بعض الناس وانا باتكلم يقول شوفو الادمان عامل ايه دلوقت شوف المخدرات ماليه البلد ازاي اذا كان في 185 مليون مدمن في الدنيا 10 مليون فقط في بلادنا العربيه والاسلامية معلش الشر هاجم علي الدنيا لكن معلش احنا بنتحسن في مواجهة الفتن دي معلش ودلوقتي عايزه اقولكم معلومة وانتم عارفين اكتر مني ان اصبح مش دكاترة الادمان بس هما اللي بيتصدو لمشكلة الادمان اصبح الدعاة والمصلحين والدكاتره اصبح في هوجه ايضا لحرب الادمان في بلادنا

<<<<<بلادنا بتقوم <<<<<<<<<الحق خد مكان..............
جنب المصلحين.........اللي بيحاولو يصلحو في امة النبي صلي الله عليه وسلم ........جنب الدعاة اللي بيعملو في وظيفة النبي صلي الله عليه وسلم
مش لازم تكون من علماء الامة عشان تدعي الناس للخير والاخلاق يكفي ان تكون قدوة وهنوصي بعد كده في اخر الحلقة بالقدوة العمليه سواء في شغلك او في عبادتك لربنا عز وجل بس الامة بتقوم ولازم تبقو عارفين كويس اوي ان خلاص

"كَتَبَ اللَّهُ لَأَغْلِبَنَّ أَنَا وَرُسُلِي إِنَّ اللَّهَ قَوِيٌّ عَزِيزٌ "{21}
الجزء الثامن والعشرون >> سورة المجادلة
وان الله عز وجل لايضيع اجر من احسن عملا
"إِنَّ الَّذِينَ آمَنُوا وَعَمِلُوا

الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلاً "{30}
الجزء الخامس عشر >> سورة الكهف

"شوفو يا جماعة اسعد الحجات اللي بشوفها في امتنا دلوقت انا لغيت خلاص المفهوم السلبي اللي في دماغي من اسعد الحجات اللي باشوفها الفهم السليم اللي بقي يترسخ في امتنا <<فهم اتقان العمل<<<
حتي لو فيه فئات كثيره من مجتمعنا لسه ماوصلهمش المفهوم ده بس ماكنش واصلهم زمان
الدعاة والمصلحين الكتير اوي اللي بيطلعو يقولو يا جماعة عايزين نعبد الارض لربنا عايزين نمكن نفسنا في الارض ان احنا نشتغل كويس يطلعلنا احسن مدرس واحسن مهندس واحسن طبيب ماكنش الحجات دي موجودة السنين الفاتت لكن بقالنا عشر سنين في تركيز للدعاة في الامة والمصلحين زي منت واقف في المحراب بين يدي ربك وانت بتحاول تخشع وتتقن صلاتك اتقن شغلك واتقن دراستك ودي زي دي
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ {56}
الجزء السابع والعشرون >> سورة الذاريات
دي اية العباده كثير بيقول ذلك

والاية الثانيه
" اعْبُدُواْ اللّهَ مَا لَكُم مِّنْ إِلَـهٍ غَيْرُهُ هُوَ أَنشَأَكُم مِّنَ الأَرْضِ

وَاسْتَعْمَرَكُمْ فِيهَا فَاسْتَغْفِرُوهُ ثُمَّ تُوبُواْ إِلَيْهِ إِنَّ رَبِّي قَرِيبٌ مُّجِيبٌ

{61}
الجزء الثاني عشر >> سورة هود

فكثير مننا بقي مركز في عمارة الارض
"من للاسلام ان لم يكن نحن"
ايه حكمة ربنا من اللي بيحصل ده يا جماعة ؟ مافيش حد بيفكر كده فيكو في دماء في امة الاسلام وبعدين يسبو النبي عليه افضل الصلاة والتسليم مش حاسس ان ربنا عزوجل بيعمل حاجه مع الامة ولا مش واخد بالك من تدبير الملك في حكمة يا جماعة بتقول
الحكمة دي يا جماعة معناها قبل ماقول نصها عايز اقول ان احنا سعات ممكن واحد يبقي عايش وربنا يكون عايز يأتي بقلبه اليه لأنه بعيد عن ربنا فيبعتله حجات بسيطه كده من النعم والاحسان عشان يفكرو بربنا والانسان ده مش واخد باله فيأتي يعني الشده اللي بيتشدها لربنا والقرب من ربنا عن طريق الابتلاء اذا كان هو مجاش عن طريق الطبطبه والاحسان فخلاص فقد يأتي عن طريق الابتلاء اذا كان هو مش عايز يجي بالنعم فيأتي بالشدة
يقول احد الصالحين :"من لم يأتي بملاطفات الاحسان قيد الي الله بسلاسل الامتحان "
اذا كان الامة الاسلامية بينعم عليها بخيرات كتير اذا كان في الامه الاسلامية سعات بعضنا بيعصي وربنا صابر عليه ومع ذلك مش عايزين نرجع لربنا خلاص قد تاتي الشدة وانا عايزاقولكم ان من ساعة مالنبي علية الصلاة والسلام اترسم بالطريقة اللي حصلت كتير من الشباب قال الا رسول الله وبيرجع للنبي وكان السب ده كان السبب في رجوع الكثير الي النبي
كثير من الدماء التي تراق في امة الاسلام دلوقت بترجع ناس كتير الي ربنا عز وجل وترجعهم لمفهوم وحدة الامة ووحدة المسلمين .
ومايبقاش طالع علينا سمعة ان احنا مابنحبش بعض عشان الكورة ومابنحبش بعض عشان فروق في الطبقات والغني والكلام ده موجود............موجود لكن والله الكلام ده بدأ دلوقت يتشال من طريق وعقول وقلوب ناس كتير اوي بدأت تحب ربنا فتحب الناس عشان كده ياجماعة هاقولكم حاجه بمناسبة الشغل والخيرات في الامة الاسلاميه
لما نقصر
من حكمة ربنا ورحمته بالناس الل بيحيهم لو قصرو يدوقهم تمن التقصير ده انت عارف ربنا عز وجل لو احنا قصرنا في شغلنا فوسع علينا نفضل مقصرين في شغلنا ونفضل بعيد عن اتقان العمل فنفضل نقصر ربنا قال ان الله لا يضيع اجر من احسن عملا فسبب كثير من الناس بعدهم عن التمكين في الارض والغني في امتنا ان ممكن يكون في ناس مننا كتير مقصرين فمن حب ربنا بيهم سبحانه وتعالي ان هو لو ماجتهدش ربنا مايوفقوش عشان يقول انا ايه اللي في حياتي
انا ليه كده مش موفق>>>>>> واضح اني مش مجتهد فيرجع للاجتهاد
فيبقي النبي بيسب >>>>>>>>>فنرجع لحب النبي
والدماء بتراق>>>>>>>>>>> فنحاول نرجع لوحدة الامة
ولو ده حصل بعد عشر او عشرين او ثلاثين سنة وان كان هيحصل اقرب من كده بكتير فده خير لامة النبي وهيعدي بسرعة عشرات السنين دي وحتي اللي مش متقن لعمله ربنا قد يبتليه في الدنيا عشان يتقن عمله فواحده واحدة واستبشر واعرف حكمة ربنا عز وجل لان ربنا قال
"هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ
عَلَى الدِّينِ كُلِّهِ وَلَوْ كَرِهَ الْمُشْرِكُونَ {9}
الجزء الثامن والعشرون >> سورة الصف
فربنا هينصرنا وهيكرمنا وهيوسع علينا ولكن خد بالك مافيش نبي هيجي بعد النبي ومافيش اصلاح هيجي عن طريق نبي زي ماكان ربنا عز وجل كل مانبي يموت او يقتل يبعت نبي تاني خلاص هيحصل علي اكتاف الناس مش علي اكتاف الانبياء
عايز اختم الحلقه معاكو ببعض الوصايا

الوصية الاولي هي وصية الثقه بالله عز وجل <<وصية القلب <<مش وصية عملية

وَمَكَرُوا مَكْراً وَمَكَرْنَا مَكْراً وَهُمْ لَا يَشْعُرُونَ {50}
فَانظُرْ كَيْفَ كَانَ عَاقِبَةُ مَكْرِهِمْ أَنَّا دَمَّرْنَاهُمْ وَقَوْمَهُمْ أَجْمَعِينَ {51}
الجزء التاسع عشر >> سورة النمل



ثق ان الله مع هذة الامة بس نرجع لربنا عز وجل ......ثق ان عون ربنا عز وجل هو الذي بيده ملكوت السماوات والارض
ربنا هيساعدنا ان تنصرو الله في انفسكم ينصركم علي غيركم ويعز بيكم الدنيا انا مش عايز اتكلم علي مسألة النصر والمستوي العسكري والكلام ده احنا عايزين الاول جوانا احنا نحب بعض الاول وننصر دين ربنا جوانا عايزين احنا يا جماعة الاول
اعبد نفسي لله ماخدش خطوة الا اما استشير الشرع واعرف راي ربنا ايه في الموضوع ده وراي النبي ايه في الموضوع ده ايه يبقي اول وصية ثق في الله انه هيساعدنا لو توكلنا عليه وخدنا بالاسباب اللي هو طلبها.



2- عبد نفسك لله فماتخدش خطوة الا ماتعرف راي النبي اللي ماسابش حاجه الا وعرفنا الصح من الغلط.


3- الوحدة مش هتيجي الا لما نحب بلادنا حب بلدك
>>> حب البلد من صميم الدين <<<
حب بلدك وحب اهل بلدك وخلي الحب من كتر ماهو مالي قلبك يبتدي يفيض علي بلادنا العربيه والاسلاميه التانيه حب المسلمين كلهم مافيش فرق بين اي جنسيه .

<<<<<<<<<<<<احنا امة واحدة<<<<<<<<<<<<<

إِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاعْبُدُونِ {92}
الجزء السابع عشر >> سورة الأنبياء


4-الوصيه اللي بعد كده وصية مهمة اوي ليه مايجيش النصر من غرفتك انت ؟..............من بيتك انت ؟ النصر من اخلاقي اللي في بلادنا ليه ماكنش انا قدوة ليه ؟مش انت الل يترفع الرايه وتقول
"قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ" {162}
الجزء الثامن >> سورة الأنعام
انا اول واحد مش هاغش في الامتحان>>>> حتي لو اللجنة كلها هتغش ليه؟
عشان الناس لما تشوفني مابغشش وبعد شويه داخل علي الجامع يقولو الله ده اكيد مابيغشش .............>>>>>>>عشان هو بيحب رضا ربنا
وكمان يشوفوك وربنا بيكرمك في الدنيا ان الله لا يضيع اجر من احسن عملا فيرتبط اتقانك مثلا مذاكرتك ونجاحك وعدم غشك وصلاتك في المسجد وكمان ربنا بيكرمك في الدنيا فالناس تحب ربنا عز وجل
ليه مايكنش انت اللي تتحجبي اول واحده في الشلة بتاعتك وليه مايكنش كل واحد في مكانه هو القدوة ويطلع الاول وهو طالع الاول كده علي شركته يقول الحمدلله ..........وربنا وفقني عشان استعنت بالله
واحنا شايفين لاعبين الكرة عندنا بيسجدو ومش ناسين ربنا عز وجل في عز الفرحة ففرحنا باي حد بيفكرنا بربنا في الحته اللي ربنا اكرمه فيها
كن انت القدوة لما يشوفوك
كن انت القدوة لما الناس يشفوك يجرو عليك ويمشو علي طريق النبي معاك فتوحد الامة وتوحد البلد والمسلمين
شوفو يا جماعة
قال رب العالمين
"أَوَ مَن كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي
النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا كَذَلِكَ
زُيِّنَ لِلْكَافِرِينَ مَا كَانُواْ يَعْمَلُونَ "{122}

الجزء الثامن >> سورة الأنعام
كأنه ماسك كشاف يمشي به والدنيا كلها ظلمة
اهو النور ده اللي هو الدين والايمان والاخلاق الحلوة

ابدأ انت ماتعدش تقول اصل الحكومة ماثره اصل الدولة ماثرة اصل البلد ماثره
ابدأ انت
ولو سمحت بلاش بالطريقه السلبيه نلق اللوم علي غيرنا
انت لما تصلح نفسك ربنا يصلح بيك الكون
"وانا هذة امتكم أمة واحدة وانا ربكم فاعبدون "

قال صلي الله عليه وسلم حسن الختام
" إن الله زوي لي مشارق الأرض ومغاربها، وسيبلغ ملك أمتي ما زوي لي منها "
فتح الباري، شرح صحيح البخاري، الإصدار 2.05 - للإمام ابن حجر العسقلاني
المجلد الثامن >> كِتَاب تَفْسِيرِ الْقُرْآنِ >> باب قَوْلِهِ قُلْ هُوَ الْقَادِرُ عَلَى أَنْ يَبْعَثَ عَلَيْكُمْ عَذَابًا مِنْ فَوْقِكُمْ أَوْ مِنْ تَحْتِ أَرْجُلِكُمْ الْآيَةَ يَلْبِسَكُمْ يَخْلِطَكُمْ مِنْ الِالْتِبَاسِ يَلْبِسُوا يَخْلِطُوا شِيَعًا فِرَقًا
||| امتنا بتقوم|||
الحق خد مكان ...جنب المصلحين اللي بيزوقو ويقومو الامة
ربنا يتقبل منكم
المره الجاية انشاء الله نتكلم علي النبي ونشوف الشبهات اللي مخدوعين فيها واللي زرعوها في قلبنا ناحية النبي صلي الله عليه وسلم
نتقابل الحلقه الجايه في خدعوك فقالو وصلي الله وسلم علي النبي الامين

والحمدلله رب العالمين

من مواضيع : المحبة في الله برنامج مشكلات من الحياة |برنامج فتاوي|د.عبدالله المصلح |الحلقة الثالثة|
الله نور السماوات والأرض
برنامج |مشكلات من الحياة |برنامج فتاوي|د.عبدالله المصلح
الأمة ماتت ومافيش أمل في نهضتها!|الحلقة الثانيه|خدعوك فقالو|
هناك شبهات حول النبي "صلي الله عليه وسلم "!|الحلقة الثالثة|خدعوك فقالو
27-12-2008, 03:26 AM
المحبة في الله
 
اقتباس:
المشاركة الأصلية كتبت بواسطة هبة الله
موضوع هايل يا المحبة في الله فعلا جميل تسلم ايدك
شكرا علي مرورك هبة الله واتمني اني يستفيد الجميع لأنه بالفعل موضوع مهم بارك الله في الداعية مصطفي حسني فبرنامجه عظيم جدا ونافع
لكي مني جزيل الشكر
من مواضيع : المحبة في الله برنامج |مشكلات من الحياة |برنامج فتاوي|د.عبدالله المصلح
كتاب الدعاء هو العبادة
برنامج خدعوك فقالوا لمصطفي حسني| المعتقدات الخاطئة في مجتمعنا | الحلقة الأولى
300حديث شريف لرسولنا الكريم
عاشوراء
 

الكلمات الدلالية (Tags)
للأ, ماتت, الأمة, الثانيه|خدعوك, في, فقالو|, ومافيش, نهضتها!|الحلقة, نهضتها|الحلقة

أدوات الموضوع


المواضيع المتشابهه
حلقات برنامج الدكتور أحمد الكبيسي البشائر
حلقات برنامج الدكتور أحمد الكبيسي البشائر

الأمة ماتت ومافيش أمل في نهضتها!|الحلقة الثانيه|خدعوك فقالو|

الساعة الآن 02:52 AM.