حب جديد

xpredo script

العودة   نيو حب > المنتديات العامة > الحوار المفتوح
التسجيل

مـــا حــــدا مـــرتـــــاح

الحوار المفتوح

25-04-2009, 03:49 AM
أسيرة_الحزن
 
Red face مـــا حــــدا مـــرتـــــاح

شبين من سوريا بالغربة :


قلو, يازلمة يالله شو مشتاق لسوريا وللشام ..لك يلعن أبو الغربة شو صعبة (الغربة صعبة كتير يابا).. لك مو مصدق ايمت انزل اجازة عل الشام..

رد التاني: لك اخ خخخ والله معك حق .. لك تضرب الساعة لي تركت فيها البلد واجيت .. قال شو بدي أمن مستقبلي وأخلص من العسكرية...

قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل.. تتذكر شو كنا مبسوطين .. كيف كنا كل يوم بليل نروح و نأركل بعد الشغل بباب توما .. ونعمرها بعدين بشي جبل صنين (سلطة فواكه عند رامز)..

رد قلو: ولا الشاورما عند الأغر والبرج .. ولا البروستد عند القصور... لك مشتهي فيق الصبح وحدا يقلي صباح الخير واشرب القهوة معو..

لك مافي ناس ما في بشر تحكي معها وتحس فيون ويحسو فيك..

الأول: قهوة شو وصباح شو... لك اذا كان حظي حلو ممكن الهندي لي قاعد جنبي بالشغل يعبرني ويقلي كياليه (كيفك بالهندي)...... طبعا مع شوية هز بالراس ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...

التاني: المصيبة انو 90 بالمية من العالم بالبلد حاسدين الشباب هون .. ولما بتشكي لحدا بتاكول بهدلة على كيفك وبيقولولك انو انت نقاق ومو خرج بسط..

قلو الأول: لك تركها لالله .. مفكرين انو المغترب ..معمر بيت فوق بير بترول.. وعم يكش دبان ... لك يارجل..لما بنزل على سوريا بتنزل العالم فيني أسئلة : كيف دبي ..أكيد مبسوط .. اوعى ترجع ها..... بشرفك دبرلي شغل..

ولما بقلون الشغل مو سهل والحياة صعبة كتير.. ماحد بيصدق وبيفكرو انو مابدي ساعدهون..

التاني: سيدي .. انت نزول وانبسط والله يمرق هالخمس سنين على خير..

الأول : قولتك رح ينزلو مدة الأغتراب؟

التاني : والله في هيك أشاعة ..

الأول: والله اذا بتتطلع صح.. الك احلى عزيمة عند موفق.. (محل مشاوي بالدويلعة)

التاني:يارببببببببببببببب بببببببببببببببببب.....





شبين من سوريا جوا سوريا :


الأول: لك الله يلعن أبو هالعيشة ..ماعاد فيني اتحمل..... زحمة وقرف وشغل بيهوي.. ومافي مصاري.. بدي سافر بي ايا طريقة ..بدي روح وشوف الدنيا وانبسط..

التاني: يا أخي نحنا بعمرنا مارح نتطور.. شوف وين صارت البشر .. ونحن وين.. لك شي بيطقق .. ولا أيا شي ممكن يخليك مبسوط .. ماني مرتاح بالشغل أبدا ... مديري يقطع عمرو شو غليظ .. أغلظ من هيك مستحيل تلاقي .. مو شاطر الا بالنق...ومابعرف على شو حاطينو مدير ( مجرد نق طيعا متل كل الموظفين على ايا مدير) .. ياسيدي حمار معبا بي بنطلون..


الأول: ولا عنا نحنا.. الشغل بي اخر الدنيا .. بدي شي ساعة لتوصل بالسرفيس.. هاد اذا لاقيت سرفيس.. وياريت راتب متل العالم والناس .. انا خلص استويت ولازم لاقي شغل بالخليج .. يا أخي الحياة هنيك غير ..بسط ومصاري وسيارات وبنات ... يعني بتعيش حياتك..

التاني: معك حق .. بتقضيلك 5 سنين وبترجع مليونير.. وياسيدي بلا ماترجع بيكون أحسن ..

...انا رفيقي واعدني انو يدبرلي شغل .. ويارب تظبط معي.....

الأول : انا مقدم السي في تبعي عل الأنترنت ومو مخلي موقع يعتب عليي...... ومبارح عملت انترفيو مع شركة بدبي.. وقال بيردولي خبر بي هاليومين.. وشو ماعطوني رح اقبل.. لأنو اكيد بيكفي وزيادة..

التاني : الله يوفقك .. ويتخلص من هالعيشة.....

الأول :أمين...




منقـووووووووووول
من مواضيع : أسيرة_الحزن لــــــــــون حيــــــــــــــاتـــــــكـ
.... صفــــــــات هــــل مـــــررت بــهــــــا .... ؟!
شكرا للقلوب التي أحبتنا وبرغم الحب لم تخلص لنا .. !!!
... لا تندم علي حب عشته ...
رســالــة اعتــذار لحيــاتــي كلهـــا
25-04-2009, 03:59 AM
رومانسيه منسيه
 
فعلا هوه دا الواقع ومش بس في سوريا وفي مصر كمان
شكرا على الموضوع
من مواضيع : رومانسيه منسيه ايهما اقوى ×^الــحـــب >أم<؛الــكــره ^×؟؟؟؟؟
اختبار ساخر جدااااااااااااااااااا
لمن تهدي هذه العباره
أيهما تفضل أنت (( أن تُحَب )) أو (( أن تُحِب )) ؟؟×?°
كن عظيمًا ليختارك الحب العظيم
25-04-2009, 04:02 AM
أسيرة_الحزن
 
صح في كل مكان ما في حدا مرتاح

نورتي الموضوع يا قمر دمتي بخير

من مواضيع : أسيرة_الحزن ولــــلأوهــــام ألام
... لا تندم علي حب عشته ...
رســالــة اعتــذار لحيــاتــي كلهـــا
عندما يعتبرونك منتهي الصلاحية ... ؟!
عيش . . وابتسم . . وسامح‏...!!!
 

الكلمات الدلالية (Tags)
مـــا, مـــرتـــــاح, جــــدا

أدوات الموضوع


المواضيع المتشابهه
الجـــنــون و مـــا هـــو الجـــنــون

مـــا حــــدا مـــرتـــــاح

الساعة الآن 06:07 AM.